Mae Jocelyn Bain Hogg yn ffotograffydd dogfennol ac yn addysgwr.

Dechreuodd ei yrfa fel ffotograffydd uned ar setiau ffilm ar ôl astudio ffotograffiaeth ddogfennol ar gwrs gwreiddiol David Hurn yng Ngholeg Celf Casnewydd. Mae wedi ffotograffu cyhoeddusrwydd ar gyfer y BBC ac wedi ymgymryd â chomisiynau ffasiwn, dogfennol, masnachol a golygyddol. Ar hyn o bryd mae'n bennaeth cwrs yn y Coleg Cyfathrebu uchel ei fri yn Llundain ar gyfer graddau BA mewn ffotonewyddiaduraeth a ffotograffiaeth ddogfennol.

Mae'n aelod o'r 'VII Agency'. Mae ei waith golygyddol wedi ymddangos yn Vanity Fair, y Sunday Times, yr Observer, Vogue, Elle, Harpers Bazaar, Marie Claire, Stern, GQ, Esquire, Max, Le Monde, Cahiers du Cinema, L’Espresso, a La Repubblica ac mae wedi ffotograffu'n fasnachol ar gyfer llawer o gleientiaid yn cynnwys Ibiza Rocks, y Kaiser Chiefs, Nokia, Sony, Ikea, Vodafone, O’Neills, Treftadaeth Lloegr, Adidas, Y Swyddfa Bost, a Mulberry.

Mae wedi ysgrifennu pedwar o lyfrau ffotograffig hyd yma a bu'r cyntaf, 'The Firm', yn cyflwyno cipolwg hynod o bersonol ar fyd trosedd drefnedig Llundain. Cafodd y llyfr dderbyniad brwd yn rhyngwladol gan ennill y Wobr Lead ar gyfer Portreadaeth uchel ei bri (2003 yr Almaen). Arddangoswyd 'The Firm' yn rhyngwladol ers 2001, yn fwyaf diweddar yn yr Oriel Pobeda ym Moscow, lle darlledwyd rhaglen ddogfen amdano ar deledu Rwsaidd ar gyfer y gyfres "Stories in Details Arts".

www.viiphoto.com